Sultan Salahuddin Ayyubi (R.A) | History in hindi/urdu.

Fateh baitul muqaddas Sultan Salahuddin Ayyubi(1138-1193)

Sultan salhuddin yusuf bin ayyub, ayubi saltanat ke bani the.Vo na sirf tariq-e-islam balke tariq-e-alam ke mashhur fateheen v hukumranon me se ek the.Unki paidaish 1138 me Iraq ke shaher tirkit me hui.Sultan Salahuddin ayyubi rahmatullah alaih ko bahaduri, fayyazi, husne khalq,saqawat aur bardbari ki vajah se na sirf musalman balke isai log bhi izzat karte the.1187 me yurop k faujon ko shikast dekr bait-ul-muqaddas inse aazad karaya tha jiski vajah se inhe fateh Bait-ul-muqaddas bhi kaha jata tha.

Family:

Walid - najimoddin ayub

Ahliya - ismataddin khatun

Children's of Salahuddin ayyubi (Aulad) 

• al-aziz, 
• al-zahir gazhi, 
• al-afdal,
• isaqh, 
• mas'ud, 
• yaq'ub, 
• da’ud.

Ayubi Saltanat ka aagaz:

Nooruddin zengi vo hukumran the jo bait-ul-muqaddas ko fateh karne ka beda uthaya.Unhone ek member b banaya unki khwahish thi ke bait-ul-muqaddas ko fateh karne ke baad vo member apne hathon se bait-ul-muqaddas me lagau par allah ko ye manzur na tha fateh se pahle hi unki wafat hogayi.Salahuddin ayyubi Nooruddin jungi ki fauj me ek sipahi the.Misr(egypt) ko jis fauj ne fatah kiya tha us fauj me Salahuddin ayyubi r.a. bhi shamil the aur is fauj ki Kaman sherkoh k hath me thi jo ke salahoddin ayyubi ke chacha the.Misr fateh hone ke baad 1164 ko salahoddin ayyubi r.a ki bahaduri aur tez zahniyat ko dekhte hue unhe miser ka governer banadiya gaya.Nooruddin zengi ka jab inteqal hua unka koi layak utter Adhikari nahi tha to unhone apni jagah sultan Salahuddin ayyubi r.a ko bitha diya iss waqt aapki umer sirf 21-22saal hi thi.

zindagi ke maqasid aur fatuhat:

Sultan Salahuddin ayyubi ne bait-ul-muqaddas ko fatah karna apni zindagi ka maqsad bana rakha tha aur unke dil v dimag me islam ke liye kuch kar guzarne ka jazba tha.Salahuddin r.a. bade bahaddur aur fayyaz the.Jungon ke daruan unhone isaiyon ke sath itna achha suluk kiya ke isai log aaj bhi in ki izzat karte hain. Salahuddin ka gair muslimon se suluk ain islami talimat ke mutabiq tha aur ye  us ka sabut ye hai ke inki riyast me gair muslim ka haq muslim ke braber hi tha. Nooruddin zengi ki tarah sultan Salahuddin ayyubi r.a. ki zindagi bhi badi sadgi pr guzri vo resham ke kapde nahi pahnte the aur mahel ki jagah mamuli se makan me rahte the.Unho ne apni puri zindagi ek pakke aur sacche musalman ki tarah sadgi se guzari.Sultan ko jihad ka bahot shouk tha vo haq ke raste me jihad ke liye hamesha tayyar rahte the.Sultan Salahuddin ayyubi rahmatullah alaih ko 1169 me misr ka hakim muqarrar kiya gaya,iske baad unhone 1174 me yeman fatah kiya.Fir unhone 1182 tak sham(syria),mosal,halab ko b fatah karke apni saltanat(Ayyubi saltanat) me mila diya.Ayyubi saltanat me misar(Egypt), sham(syria),yemen,Iraq.hijaz aur diyarbakir shamil the.

Inhone 3badi junge ladi:

1.Jung-e-hattin:

1186 me reynoldes aur uske sath madina munawwara par hamle ke garz se hijaz muqaddas par hamla aawar hua.Sultan ne ise rokne ke liye hattin me dushmano ke lashkar par aisa aatish gir madda dalwaya jis se jameen par aag bhadak uthi.1187 me Yahi se jung ka aagaz hogaya.Iss jung ke natije me 30,000 isai halak hue aur itne hi khaidi banaliye gaye.Aur Reynolds ko giraftar kar liya gaya.reynolds darasal hazrath mohammed salallahu alaihi wasallam ki shan me gustaqi kiya karta tha is vajah se sultan ne use apne haton se marne ki kasam khai thi. Reynold ko giraftar karne ke baad sultan ne khud apne hathon se uska sir khalam kar diya.

2-Fateh bait-ul-muqaddas:

Bait-ul-Muqaddas

Hattin ki fatah ke baad sultan salahoddin ayyubi ne apna rukh bait-ul-muqaddas ki or karliya,takhriban 7dino ki khoonrez jung ke baad sultan ne bait-ul-muqaddas ko fatah karliya. bait-ul-muqaddas pure 88saal ke baad fir se fatah hua tha.Sultan ne masjide aqsa me dakhil hokr  Nooruddin zengi ka tayyar kiya hua mimber apne hathon se rakha ishi tarah Nooruddin jungi ki khwahish puri hui. bait-ul-muqaddas par fatah ke sath palestine ki yuroshilam ki isai hukumat bhi khatm hogayi jo 1099 se palestine  me maujud thi.

3-Tisri salebi jung

Jab bait-ul-muqaddas fatah hua to ye khabar yorup pahuch gayi har taraf jung ki tayyariyan hone lagi. germany,Italy,France aur England se bade bade fauji daste palestine rawana hone lagi.England ka raja Richard jo sher dil k naam se mashhur tha aur farance ka phyliph agustus aur jormony ka Badshah Frederick Barbarossa apni apni fauje lekr palestine pahuche.inki ittehadi fauj ki tadad 6lakh thi.Isme sultan salhuddin ayuubi r.a. se11bar muaqble hue par fatah kisi ki nahi hui is vajah se dono taraf se sulah karke muayedha karna pada,us 

muaheda me

1.      bait-ul-muqaddas musalmano ke pass rahega

2.      arsoph,Haifa,yafa aur akka ke shaher isaiyon ke khabze me chale gaye. 

3.      Asqalan aazad ilaqa tasleem kiya gaya.

4.     Salebe aazam badastur musalmano ke pass rahega

wafat:

Jab bait-u 4March 1193 me Sultan Salahuddin Ayyubi Rahmatullah alaih ka inteqal hua inhe sham ke darulhukumat damascus masjid-e-ummayad me dafan kiya gaya hai.

Salahuddin Ayubi Ka Maqbara

Shukriya!