History of Ertugrul ghazi in hindi/Urdu

Marde Mujahid Amir Ertugrul Ghazi bin Suleman shah qaywi Turkaman

Ertugrul Ghazi Real Portrait

Doston to aajse hum Ottoman Empire (Osmania Sultanat) ke tamam badshahon ki series bayan karenge. Aaj ki post me hum Osmania Sultanat ke bani Osman Gazi ke walid ki tariq bayan karenge. Waise aaj kal Turkish drama Dirilis Ertugrl me aap bahot si tariqa waqiyat vo dekh chuke hain. Hum zyada tafssel me nahi balke muqtasran Tariq bayan karenge.

Khandani Malumat: 

Ertugrul ki paidaish san 1191 me Turki ke Ahlat ke ilqe me ek Oguz qabila Qayi Qabile me hui. Vo Qayi qabile ke Sardar Suleman shah ka beta tha. Suleman shah aur Hamyema khatun ko 4 bete the. Ertugrul, Dundar, Gundugdu aur Sngrtkyn.

Inhone  Saljuki shazada Noman ki beti Halima hatun Se shadi ki. Jinse unhe 3 bete the Gunduz, Savci aur Osman ghazi (Jo sultanate Osmaniya ke bani the)

Statue of Ertugrul Ghazi
Statue 

Qayi qabila aur hijrat:

Qayi qabile ka asal watan qarasan tha jaha mangolon ne lut pad macha rakhi thi. Iss vajah se qayi qabile ko hijrat karne padi. Qayi qabile ne Saljuk Sultanat ke ek Hisse Ahlat me aakr bas gaye.

Ahlat par Ab mangol ka khatra mandra raha tha aur sardiyan Aane wali thi to Ahlat ka ilaqa unke liye sahi nahi tha. Iss vajah se 1222 ko unhone halab ki or hijrat karne ka faisla liya. Halab par Fateh Baitul Muqaddas Sultana Salahuddin Ayubirahmatullah alaih ke pote Al-aziz ki hukumat thi.

Halab me basne ke baad Suleman shah ne apne bete ki madad se salebiyon ka qila fatah karne ka faisla kiya. Aur vo isme kamyab bhi hue.

Suleman Shah ki wafat:

1236 ko Suleman shah ki wafat ke baad Inkoko Kayi qabile ka naya sardar banaya gaya. Lekin kuch hi waqt ke baad Qabila 2 hisson me bat gaya ek Gundugdu ahlat chale gaye. Aur inhone Sultan Alauddin Keyqubad ke Saljuki sultanat me panah lene ka faisla kiya.

Ertugrul aur Safed dadhi wale:

Ertugrul bachpan se hi shatir aur ek taqt war shaks the. Inke walid Suleman shah jo the vo turkon ki safed dadhi wale logon ki tanzeem me shamil the. Ye tanzeem Musalmano ko pure jahan me madad karne ke liye banayi gayi thi.

Ertugrul ek nek aur bahadur shaksiyat hone ki vajah se Safed dadhi walon ne bhi In ko apne groh me shamil kar liya. Vo safed dadhi walon ke sardar Ustad Shaikh adeebali aur Ibnul Arabi rahmatullah alaih ki sarbrahi koi bhi jung aur faisle me kiya karte the.

Suljuk Sultanat me aamad:

Jab Ertugrul ghazi sultan Alauddin se milne quniya jarahe the to bich me Inqara ke muqam par jung ho rahi thi. Inhe pata nahi ye jung kiski thi Lekin vo parwah kiye bina kam fauji daste walon ki madad karne maidane jung me utar gaye.

Ye jung thi Sultan Alauddin keyqubad aur tatariyon ke bich. Ertugrul aur iske sipahiyon ne Badi bahaduri dikhate hue Tatariyon ko shikast dedi.  Unki iss bahaduri ko dekhte hue Sultan alaudin ne Inqra ke kharib jagah di.

Dekhte dekhte Ertugrul ki ab taqt badhti ja rahi thi. Vo har waqt kisi jado jahad me masruf raha karte the. In ko diye hue ilaqa Saljuk Sultanat ka ek ahem ilaqa tha jaha se Sultan Alauddin ki sultanat aur bhi mazbut hogayi.

Sardare Aala ka muqam:

Ertugrul Ghazi Real Pic

Usske baad Sogut shaher ko Ertugrul ki jagir bana kar use waha ka sardare aala banaya gaya. Ab sardare aala ke haisiyat se vo ab bahot taqt war ho chuka tha. Lekin har waqt se baztiniyon aur Mangolon ka khatra bana rahta tha.

Agar Sultan Alauddin ke alawa koi aur sultan hota to Inki ki badhti hui taqat ki vajah se us se Uski jagiri ko wapas le leta. Lekin  Inki vajah se Saljuki Sultanat me thodi bahot taqt baki rah gayi thi.

Ky uke uss waqt Saljuki sultanat nihayat hi kamzor ho chuki thi. Apne mahel me hone wali gaddariyon aur baghawaton se ladte ladte Sultan ab kamzor ho chuke the.

Baztini aur Mangolon se jung:

Saljuki Sultanat ne Mangolon se jung karne ka faisla kiya. Iss jung me Sultan ke Sipah salar ke tour par Inhen aur inke sathiyon ko Shariq hona tha. Ye jung Mangolon aur baztiniyon ki ittehadi fauj thi.

Yani shaher aur Barosa ke bich ek muqam par ye jung hui. Jisme Baztini aure mangolon ke lakhon Sipahiyon par mujtamil fauj thi. Lekin vo bahaduri se ladte hue. In par fatah hasil ki jiss vajah se.

Note:-

Drame ke pachwen Season ke aakhir me Jis jung ke liye vo aur unke sathi nikal gaye the ye wahi jung hai.'

Sultanooni:

Sultan ne inhe qaraja dagh se sogut aur barosa tak ki jagiri di. Iss jagir ko inhone Sultanooni ka naam diya. Sultanooni ki jagir jo Ertugrul ko mili hai use hi Sultanate Usmaniya ki jade bhi kaha jata hai.

Islam ki sir bulandi ki khatir kiye gaye Jihadon ki vajah se Ertugrul ghazi aur unke kayi sathiyon ko Gazi ka laqab mila. Gazhi ki khwahish thi ke vo Islami Sultanat ko badhane aur Islam ko phailne me madad karne ke liye vo khudki ek Azeemoshan Sultanat banana chahte the.

Unke iss khwab ko unke chote bete Osman ghazi ne pura kar liya. Osman Gazhi ke sultanat banane ke baad bhi Uska naam Sultanooni hi tha. Orhan ghazi ne iska naam change karke Osmaniya Sultanat rakha.

Wafat:

Tomb of Ertugrul Ghazi

Inki wafat ko lekr tariq me kayi iqtelafat hain kayi logon ke hisab se 90 saal ki umer me 1281-1282 ko inki wafat hui. Aur kuch tariq dano ke hisabn se 98 saal ki umar me 1288-1289 ko unki wafat hui.

Inhe Sogut (Turkey) me dafan kiya gaya, Inki mazar par Osman ne ek maqbara aur ek masjid bhi banayi hai.

sogut, Tomb of Ertugrul Ghazi

Islami Sultanat ke liye jo Ertugrul ghazi ne Karname anjam diye shayed hi vo kisi ne anjam diye hunge.

Inhone Apne bete Osman Ghazi ko kahi gayi baat:

“Tum hamesha Shaikh Edebali ki pairvi karoge. Shaikh Edebali hamare qabile ke roshan dan ki tarah hain. Mujhe chahe tum izzat na do lekin tum apni puri zindagi me Shaikh edebali ko apne ustad ke taur par aur Tumhare sarbrah ke taur par manzur karoge. Aur ye meri aakhri khwahish hai.”

 To doston Ye thi Ertugrul Ghazi ki Choti Muqtasran si tariq bayan ki hai. Agar humse likhne me kuch glti hogayi ho to Hame maaf karde aur Hamari glti ko comment kar ke zaroor batayen.

Turkish drama ke Kirdaron ki Sahi History par ek post banane ke liye bahot se massages aur Comments aarahe hain. Kya aap Uss topic par bhi post chahte hain to apni Suggestion Comment me zaroor bataye.

Shukriya! 


3 Comments

If you have any doubt, please let me know

  1. πŸ‘ŒπŸ»πŸ‘ŒπŸ»πŸ‘ŒπŸ»πŸ‘ŒπŸ»πŸ‘ŒπŸ»

    ReplyDelete
  2. Ertugrul ghazi was a great personality of muslimπŸ‘πŸ‘ŒπŸ‘ŒπŸ‘ŒπŸ‘thanks for detailed information of his historyπŸ‘

    ReplyDelete

Post a Comment

If you have any doubt, please let me know

Previous Post Next Post