Osman Ghazi the Founder of Ottoman Empire in Hindi/Urdu

Osman Ghazi

Real pic of Osman Khan Ghazi

Aaj ki iss post me Ertugrul Ghazi ke Chote bete aur sultanate Osmania ke Bani Osman Ghazi ki tariq muqtasran taur par bayan karenge. Doston Pichle Ottoman Empire (Sultanate Osmania) series ke do poston me Ertugrul Ghazi ki Tariq aur Dirlis Ertugrul Drama ki Haqiqat aur Drama ki post padhi. Agar nahi padhi hai to website par visit kar ke zaroor Padh len. click here to read post.........

Osman Ghazi ki Ibtedai Zindagi:

Aaj ki iss post me Ertugrul Ghazi ke Chote bete aur sultanate Osmania ke Bani Osman khan Ghazi ki tariq muqtasran taur par bayan karenge.

Osman Ghazi ki paidaish 1258 ko Turkey ke muqam sogut (Maujuda turki ka Willow, Bilcek) me Hui. Inki Walida ka naam Halima Khatun tha. Osman Ghazi ne do shadi ki Unki pahli biwi Malhun Khatun thi aur Dusri Rabia Bala Khatun thi.

Osman Ghazi ki Aulad:

  • Alaeddin Pasha
  • Orhan Ghazi
  • Coban Bey
  • Fatema Melek Khatun
  • Malik Bey
  • Bazarlu Bey
  • Hamid Bey

Osman Ghazi apne walid ki tarah hi Bahadur aur Insaf Pasand shaks the. Unhone apne bachpan me hi Ghudsawari, Teer Andazi aur talwar bazi me maharat hasil ki thi. Iske alawa Deeni aur duniyavi taleem bhi hasil ki thi.

Vo jawani ke daur me Shaikh Edebali ke pass taleem hasil karne jaya karte the. Wahi unke beti se unhe mohabbat hogayi. Unhone Shaikh Edebali se unke beti ka hath manga lekin Shaikh Edebali ne unhe inkar kar diya.

Osman Ghazi ke Alawa bahot se turk sardaron ne bhi unki beti ka hath manga lekin unhone use mana kar diya.

Osman Ghazi ka khwab:

Ek martaba Osman ghazi so rahe the to unhone ek khwab dekha jisme unhone dekha ke chand Shaikh edebali ke sine se nikla aur aur Osman Sahab ke sine me aakr gira. Fir unke sine se ek darakht (tree) nikla vo dheere dheere badhta chala gaya. Yaha tak ke vo darakht daryae Neel, Daryaye dajla, daryae farat aur daryae dynial jaise badi nadiyon tak fhailta chala gaya.

Aur uss darakht ko sahara duniya ke 4 darakht ne diya hua tha, Kohe kaaf, Kohe Balkan, Kohe tur aur kohe atlas tak fhaila hua tha. Ye khwab unhone Shaikh Edebali ko bataya. To vo samjh gaye ye khwab ki tafseer ke mutabiq Ek azeemn vo shaan Sulatanat inke Aalo Aulad banayenge.

Osman ka Aisa mustaqbil dekh kar Shaikh edebali ne apni beti ki Shadi Osman ghazi se kar di.

(Note: Osman Ghazi ki do biwiyan thi tariq me Shaikh Edebali ki bet ikon thi iska zikr Alag alag bataya gaya hai. Aap tak sahi tariq batane ke liye humne kayi kitabon ka jayeza liya, Lekin hame har jagah Alag Alag hi jawab mile. Urdu kitab Daulate Osmania me Shaikh Edebali ki beti Malhun Khatun ko bataya gaya hai balke Turkish drama Kurulus Osman me aur Wikipedia par Rabia bala Khatun ko bataya gaya hai.)

Saljuk Sultanat ke Subhedar:

Ertugrul Ghazi ki wafat ke baad 1281 me Osman ne Saljuk Sultanat ki di hui Jageer Sultanooni ke Jagirdar Ban gaye. Lekin rafta da rafta Saljuki Syultanat ka khatema hone laga mangol aur Tatari ab Saljuk sultanat ko apne hath me lekr chalane lage the.

*Hamare Diger post bhi padhen*

Sultan Salahuddin Ayubi Rahmatullah alaih

Shahenshahe Hindustan Aurangzeb Alamgir Rahmatullah alaih

Sultan Alauddin Khilji

Khudki Sultanat ka Elan:

Jiski vajah se Osman Ghazi ko ab Saljuk Sultanat se alehda hokr khudki khud muqtar sultanat banana ki zaroorat thi. Jiski vajah se unhone san 1299 me ek khud ki aazad riyasat hone ka elan kar diya.

Fatuhat:

1301 ko Salebiyon par hamla karne ke liye sab ko dawat dene laga jispr Alame islam ke kayi Ulamon ne labbaik kah kar jung ke liye tayyar hogaye. Jiske baad Osman ghazi ko badi fatah hasil hui.

Osman ke Ilaqo me basne wale logon ko iss baat ka ilm ho gaya tha ke Osman Ghazi ek Deene Islam ka mukhallis Sipahi hai. Iss vajah se uski taqat din ba din badhti gayi aur uski fauj me bhi izafa hota gaya. Jo Dushman Bazantini Sultanat ke samne ek majbut Islami Dhal ban kar Khadi rahi.

1302-1306 tak Osman Sahab apne Sultanat aur riyaya ke intezamat me lage rahe. 1307 me unhone Sb jung karke Bazantinyon aur Selebiyon ke qile fatah karne ka mansuba banaya.

1307-1308 tak unhone qila kata, Qila lafka, Qila Aaqe Hassar aur Qila Khauje Hassar fatah kiye.

1312-1313 tak unhone Qila tukrur Bekari, Qila yakcha tarakulu, Qila kaboh jaise bade Qile fatah kiye.

Barosa ki fatah:

Inka Asal maqsad Barosa ke khile ko fatah karna tha. Uper bataye hue fatuhat ke baad barosa shaher Fatah karne ka rasta khul gaya. Lekin abhi bhi Osman ke samne Kayi Mushqilat the. Tkriban 10 saal ke muhasre ke baad Shaher barosa par Osman ki Hukumat hogayi. Isme Osman ghazi ne kabhi apna sabr nahi toda aur hamesha Allah par bharosa karte hue sabar karte rahe.

Barosa ki fatah ke baad Osman ki Bahaduri aur Sakhawat pasanda ko dekhte hue Barosa ka pichla Sipah salar Aqrayunis Ne islam khabul kar liya. Aqrayunis Badme Sultanate Osmania ka ek bada sipah salar ban gaya.

Islami jamatein:

Osman ka Sath dene ke liye Osmani Sultanat ke jhende ke niche kayi Islami jamat aagayi thi jiski muqtasar malumat mai niche deta hun.

Jamate Ghaziya Rom (Romi Ghazi): Ye jamat Hamesha se hi Abbasi Khilafat ke waqt se hi Islami Sarhadon par hi rahti rahi hai. Inka Iman Pukhta aur Iman ke liye mar mitne ke jazbe ne Inhone Osman ghazi ka sath diya.

Jamate Ala Khyan: Ye ek aisi Jamat hai jisme Musalmano ki maali madad ki jatai thi. Ye masjide banavana, Dukanat, Madaris wagaira aur Islam ke liye ladi jane wali jungon me ye paise lagaya karte the. Ye jamat Bade bade muslim tajiron se judi hui thi jo apna maal Ummate Muslima ke liye waqf kar dena chahte the.

Jamate Hajiyate Rom: Ye jamat Musalimo me Taleem phaila kar Islam ki tabliq karte hue Logon ka islam par bharosa badhate aur logon ka Islam Pukhta karne me madad karte the.

Osman Ghazi ka ek mashhur Waqiya:

Ek martaba qiraja hissar me Ek muqadmma aaya Osman ke pass. Jinme se ek muslim tha aur ek Bazantini. Pure mamle par gaur karte hue Osman Sahab ne jo Muslim shaks tha usko Guynahgar tahraya. Ise drekhte hue vo Bazantini bola mai to Muslim nahi hun.

to Osman ne jawab diya “Hamara Islam hame haq ke raste par chalna sikhata hai, Aur jo sahi hai hum usi raste par chalne wale log hain, Aur insaf Sacchai se kiya jata hai” Ise dekh kar usne uske khandan ke sath islam khabul kar liya.

Wafat:

21 August 1323 me Sogut me Osman ghazi ki wafat hui jiske baad unki wasiyat ke mutabiq unhe Barosa shaher me dafan ki gaya hai wahi uspr maqbara (Tomb of Osman ghazi) banaya gaya hai.

 

Osman Ghazi ki mazar

Osman Ghazi ne apne bete Orhan Ghazi se aakhri waqt kaha ke “Jihade pi sabilillah ke tasallul ko qayam rakhte hue. Mukammal tarin jiahd ke zariye Islam ke muqaddas jhande ko thame rakhna. Hamesha islam ke khadim rahna. Allah Talah ne mujh jaise kamzor bande se shahr fatah karne ka kam liya hai. Jihad Fi sabilillah ke zariye kalmaye tauheed ko puri jahan me pahuncha do.Meri nasal se jo shaks bhi Haq aur Adal se diur hoga Roze hasr Rasul Allah Sallahu Alaihi Sallam ki Shifayat se mahrum rahega”.

Is wasiyat par amal karne ki vajah se hi Osmaniya Sultanat (Ottoman Empire) Dunioya ke aadhe tarin hisse par takhriban 700 salon tak hukumat ki.

Osman ghazi ka maqbara turki

HaqayaQ (Facts about Osman Ghazi):

  • Osman Ghazi ne Islami Sultanat ko tarjeeh dene ke liye hamesha hi kam kiya.
  • Osman ghazi ne niji Fayede ke liye kabhi kaam nahi kiya.
  • Osman ne tamam Alme islam ki jamaton ko ek kar diya.
  • Osman Ghazi ki wafat ke waqt unki umar 65 saal thi.

To doston ye thi Osman ghazi ki tariq par mubni ek muqtasar si post agar humse likhne me kuch glti hogayi ho to baraye maherbani hame maaf karde aur cvomment me vo glti ko zaroor batayen hum bila taqir use sudharne ki koshish karenge.

thank you!

7 Comments

If you have any doubt, please let me know

Post a Comment

If you have any doubt, please let me know

Previous Post Next Post